90 iabit thymmai iaka jingpang COVID-19

Syllad | The Rising MeghalayaJanuary 6, 2022

Haka sngi Palei 90 ngut ki briew kila iabit thymmai iaka jingpang khlam COVID-19 bad da kane ka jingdon jong ki briew kiba dang shitom kala kynjoh sha ka 212 ngut ha Jylla.

Katkum ka jingpyntip ka tnad ka Koit ka Khiah, 90 ngut ki briew kiba ïabit thymmai ïa kane ka jingpangkhlam bad kine ki kynthup na East Khasi Hills 70, West Garo Hills 9, West Jaintia Hills 5, mar 3 ngut na Ri Bhoi bad South West Khasi Hills.

Ki nongpang kiba la ioh pat iaka jingkoit ki don haduh 23 ngut. Kine ki kynthup na East Khasi Hills: 22 bad West Garo Hills 1.

Ka jingdon jong ki briew bala ïabit ïa kane ka jingpang khlam ha Jylla baroh ka long 85021 ngut bad napdeng kine 83324 ngut kila ïoh ïa ka jingkoit bad 1485 ngut kiba ïap nalor ki briew ba dang shitom.

Ka East Khasi Hills kadon 176 ngut kiba dang shitom, West Garo Hills 20, West Jaintia Hills 6, Ri Bhoi 5, South West Khasi Hills 3 bad East Jaintia Hills 2.