90% kiba pyrshah iaka jingphiah MDC Constituency ka JHADC

Syllad | The Rising MeghalayaJuly 9, 2024

Ka jingpynbeit thymmai iaki Constituency da ka Delimitation Committee jong ka Jaintia Hills Autonomous District Council (JHADC) kala wanrah ka jingpyrshah kaba jur na kiba bun ki shnong na baroh ar tylli ki District, kata East Jaintia Hills District bad West Jaintia Hills District.

Kane kala paw haka jingkhot pynlong iaka public hering ne ka jingpynsngew paidbah da ka delimitation committee jong ka JHADC haka 9 tarik Naitung kaba long ha District Library Auditorium Jowai na ka bynta ki 20 tylli ki Constituency kiba hap hapoh ka West Jaintia Hills District. 3 tylli ki Constituency na War Jaintia na War East, War Central bad War West

Kiba bun ki shnong kila pynpaw ba kane ka jingpynbeit thymmai iaki Constituency kala pharia pynban iaki shnong ki thaw bad kam iahap ka jinglong jingman ka jaka.

Kine ki shnong kiba pyrshah ki kynthup ka Madur, Ummulong, Niriang, Moobakhon, Nongmulieh, Ksehrynchang, Ksehlama, Kyndongtuber, Nartiang, Mynsoo-A, Iongkwang, Mulum, Sanaro, Thangrain, Namdong-B, Kyrluh, Ladthadlaboh Pyllun, Caroline, Salaroh, Mookyrdup, Nangbah, Mustem nalor kiwei.

Katba ki shnong kiba kyrshan ha kane ka jingpynsngew paidbah ki long ka Nonglatem, Sohphoh, Nongkhroh, Thadmusem, Moodymmai, Larnai bad kiwei kiwei.

Kane ka juh ka jingpynsgew paidbah kan long haka Khliehriat West ha Khliehriat na ka bynta ki 10 tylli ki Constituency kiba hap hapoh ka East Jaintia Hills.