93 iabit thymmai iaka jingpang COVID-19, khlad 2 ngut

Syllad | The Rising MeghalayaOctober 12, 2021

Haka sngi ba ar 93 ngut ki briew kila iabit thymmai iaka jingpang khlam COVID-19, 2 ngut kiba khlad na ka jingpang bad da kane ka jingiap kala kynjoh sha 1425 ngut haka jylla.

Kine kiba khlad ki dei na East Khasi Hills bad West Khasi Hills District.

Kat kum ka jingpyntip ka tnad ka Koit ka Khiah, 93 ngut ki briew kiba ïabit thymmai ïa kane ka jingpangkhlam bad kiba dang shitom ne ki active case ka long 1021 ngut hapoh ka Jylla.

Ki briew kiba iabit thymmai iaka jingpang khlam ki kynthup na EGH: 1, EJH: 1, EKH: 47, RBD: 5, WGH: 1, WJH: 1 bad WKH: 37.

Ki nongpang kiba la ioh pat iaka jingkoit ki don haduh 122 ngut. Kine ki kynthup na EGH: 3, EJH: 2, EKH: 63, NGH: 1, RBD: 2, SWKH: 3, WGH: 1, WJH: 34 bad WKH: 13.

Ka jingdon jong ki briew bala ïabit ïa kane ka jingpang khlam ha Jylla baroh ka long 82580 ngut bad napdeng kine 80134 ngut kila ïoh ïa ka jingkoit bad 1425 ngut kiba ïap nalor ki briew ba dang shitom.