Phah tohkit u DC East Jaintia halor ka jingiap ki 6 ngut ha krem dewiong

Syllad | The Rising MeghalayaFebruary 25, 2021

U Deputy Commissioner, East Jaintia Hills District, Khliehriat u la pyntip ba u la bthah ban tohkit ha kaba ia dei bad ka jingjia kaba la jia haka jaka tih marpoh khyndew ha Sorkari, Dienshalalu, Rymbai, East Jaintia Hills District haka 21 tarik u bnai Kyllalyngkot (January), 2021 ha kaba 6 (Hynriew) ngut ki nongtrei ki la iap.

U DC ha u kyrwoh ula ong “Lada don mano mano ba tip shaphang kane ka jingjia ki lah ban wan ai sakhi lane ai jingtip ba tikna ha khmat u bah SS Syiemlieh, MCS, Additional Deputy Commissioner, East Jaintia Hills District ha ka 1, 2 bad 3 tarik u Lber (March), 2021.”

Kino kino kiba don jingtip halor kane jingjia ki lah ban wan mih dalade ne ai da ka jingthoh ba da smai (affidavit) ha ophis u Deputy Commissioner, Khliehriat ha ka por longtrei.