Accident kali ha Wapung, iap 2 ngut ki shi kurim

Syllad | The Rising MeghalayaFebruary 25, 2023

Ar ngut ki shi kurim kila duh ei iaka jingim, katba iwei ila mynsaw jur haka jingjia aksident kaba la jia markhap ka shnong Wapung Shnong bad bad Wapung Skur ha East Jaintia Hills District haka sngi Saitjain.

Ka khubor kaba iohlum ka iathuh ba kane ka jingjia kala jia haka por 6:30 PM ha kaba kine lai ngut ki briew kiba shong haka maruti car kila wan na ka Ladrymbai bad thmu ban leit shala shnong sha Tuberkmaishnong, hynrei haba la poi ha katei ka jaka kila iakynduh noh iaka aksident hadien ba ka trok khatar shaka kala rat iaka kali maruti car jong ki.

Kine ki shi kurim kiba la khlad ki dei kiba la tip kyrteng kum u Marjanki Phawa bad ka Sabianka Lyngdoh. Kawei pat kaba mynsaw jur ka dei kaba la ju khot sin kum ka Ba Lyngdoh. Baroh lai ngut kine ki lanot accident ki dei na ka shnong Tuber Kmaishnong, East Jaintia Hills District.

Ki paidbah kiba iohi ia kane ka jingjia kila iarap pynkit mar mar sha hospital ia kane kaba mynsaw jur.