Ai certificate u ma Vincent Pala iaki kharkhana dewbilat ba ki dei kiba khuid, ka jingiap dohkha ka dei na u dewiong

Syllad | The Rising MeghalayaNovember 18, 2021

U Ma Vincent H Pala ula ai certificate iaka karkhana pynmih dewbilat ka Star Cement ba ka jingiap ki dohkha ha Wah Lukha kam dei satia na kane ka karkhana.

“Ka jingkynnoh ba ka jingiap ki dohkha ha Wah Lukha ka dei tang ka jingkwah pisa jong ki katto katne ki briew. Kam don nongrim ka jingkynnoh ba ka jingiap dohkha ha Wah Lukha ka dei na ka Star Cement namar ba ki karkhana dewbilat kim juh pynmih jakhlia na ki karkhana,” la ong u Ma Pala haba kren haka jingialang plie iaka Kor Ultrasound bad Aneasthesia jong ka Dr Norman Tunnel Hospital ha Jowai.

Ula ong shuh shuh “Ka Waikhyrwi kala iap ki dohkha na u dewiong, bad kane ka jingkhynnoh ba iap dohkha ha Wah Lukha naka Star Cement kam don nongrim satia, nga tip ma nga iaka jingshisha na ki research namar ki karkhana cement kim don jakhlia ban pyntuid jakhlia sha ki um ki wah.”