Ai jingai sngewbha ka JSU sha ki hospital bad jaka ri khynnah haka I-Day
JOWAI: Ka Jaiñtia Students’ Union (JSU) hapoh ka jingïalam u samla Jersom Shylla General Secretary JSU, President ka Jowai Circle u samla Neal Jordan Rymbai bad ki dkhot bapher bapher ka JSU bad ka kynhun jong ki Officer Club haka jingatreilang bad ka ophis u Deputy Commissioner, Jowai kila la leit ban ai ki jingai sngewbha bad jingbam sha ki nongpang ha Dr Norman Tunnel Hospital bad ki khynnah ba sah haka Children’s Home Boys, Mynthong ban lehkmen Independence Day.
U Tricky Mukhim, Publicity Secretary JSU, ula iathuh ba ka JSU ka dap da ka jingkmen ba ka iohlad ban lehkmen Independence Day bad kiba pang ba shitom haka hopital bad khynnah khunswet ha katei ka Children’s Home. Ka kitbok kitrwiang ia baroh kiba pang ba shitom ban kin ioh noh kloi iaka met kaba koit kaba khiah.
![](https://www.syllad.com/wp-content/uploads/2024/09/JIT-Vacancy-823x1024.avif)
Ka JSU ka shim ka kabu ban ai khublei ia baroh kiba don bynta ha kane jingai sngewbha ha kum kane ka sngi kaba dei ka sngi bakhraw ka Ri bad ai khublei Independence Day ia baroh.
Leave a Reply