Ai jinghikai halor ka Nasha Mukt Bharat Campaign ha Jowai

Syllad | The Rising MeghalayaSeptember 18, 2021

Ka bor synshar district jong ka West Jaintia Hills ha ryngkat ka ophis jong ka District Social Welfare Officer kala pynlong iaka jingai jinghikai halor ka Nasha Mukt Bharat Campaign lane ka campaign ban iakhun pyrshah iaka jingsniew u drok bad kiwei ki kynja jingdih pynbuiad ha District Library Auditorium, Jowai haka sngi Thohdieng.

Kane ka jingai hikai kaba don ar bynta, nyngkong la pynlong iaka jingai jinghikai iaki nongialam shnong, ki sengtreimon sngewbha bad kiwei kiwei halor kane ka campaign bad ki jingthmu ki jong ka.

Ka West Jaintia Hills District, khamtam ka sor Jowai kala shah ktah bha haka jingkynrei ki nongdih drok bad ia kiwei kiwei ki jingdih pynbuaid bad la kynthup iaka district kum kawei na ki district ba shah ktah bha ha u drok na ki 272 tylli ki district ne ki hotspot area (Ki jaka ba don jingma).

Ha kane ka jingai jinghikai ka samla Dakapaia Bareh, Field Coordinator, Society For Urban & Rural Empowerment (SURE) ka ai jinghikai halor ka jingsdang ka jing kyrni ia u drok bad ka jingktah u drok ne ‘Basic of drugs, cause of drugs abuse and addiction’. Ka Dr JN Shullai, Project Director, MCSWA halor ka mat ‘Ill effect of drugs abuse on family and individual health (Physical Mental Symptom Treatment)’ bad halor ka aiñ ‘Narcotic drugs and psychotropic substance Act 1985’ la ai jinghikai da SI D Dympep.

Ha ka pali kaba ar u Rev HH Mohrmen Secretary SURE haka jingkren ula kyntu ïa baroh ban ym kyntait ïa kito ki lanot kiba pyndonkam ïaki jait jingdih pynbuaid hynrei dei ban ïarap ïa kito ki briew ne ki khun samla kiba pyndonkam bad kiba la shah teh shah khum haki jait jingdih pynbuaid.

U Superintendent of Police, West Jaintia u BD Marak haka jingkren kum u kongsan ula ïaroh ïaka tnat Social Welfare bad kynhun seng treimon sngewbha kiba la shim bynta bad shim khia ban pynlong ïa kiba bun ki jingpynshai paidbah hapoh ka District ban pynduh jait ïaka jingpyndonkam drok. Haba ïadei bad ki jait jingdih pynbuaid, u Marak ula ong ba kidei jingdih ba sniew kiba la ktah bha ïa ki longïing longsem bad ïaka imlang sahlang khamtam ka jingpyndonkam drok ka ïalam lut sha ki kam beaiñ kiba sneiw.

Ban rat dyngkhong ïaka jingsniew ula khot ka jingïatreilang jong ka imlang sahlang namarba tang ki pulit kim lah ban ïaleh pyrshah.

I aka jingialang hakla pali kaba ar la pyniaid da u President ka Synjuk Waheh Shnong Jowai u ma Alan Niangti uba sngewkhia bha iaka jingkynrei kiba kyrni kiba dih drok haka district.

Ha kane ka sngi la sam ruh ïaki syrnod shaki seng treimon sngewbha ba kynthup ka Manbha Foundation, Jowai, ka Society for Urban and Rural Empowerment, Jowai, ka Industrial & Institutional Ministry KJP Synod Mihngi, Jowai, ka SANKER bad ka Mihmyntdu Community & Social Welfare Association, Jowai kiba ïatreilang haka ban ïalap ïaka jingsniew ki jait jingdih haki shnong ki thaw bapher bapher.

Kiwei de kiba la ai jingkren ki long ka Kong J Synnah, District Social Welfare Officer, West Jaintia Hills, u A Mukhim MCS ADM West Jaintia, u MA Challam MCS EAC West Jaintia Hills.