Ai jinghikai ka ICAR-CTCRI ha Jaidoh bad Sohphoh ban sdang iaki shnong pynmih symbai

Syllad | The Rising MeghalayaSeptember 5, 2024

Ka ICAR-CTCRI ka la pynlong ia ka prokram ai jinghikai halor ka improved varieties, technologies ne ki symbai kiba la dep pynbha, ka buit teknology bad ka jingpynkhreh jingbam ia ki jingthung ba shapoh khyndew kum ki phankaro, ki shriew, phandieng kiba tip kum ki tuber crops.

Ia kane ka jingai jinghikai la pynlong ha ki ar tylli ki jaka ha ka shnong Jaidoh, West Khasi Hills bad haka shnong Sohphoh, West Jaintia Hills haka 3 bad 4 tarik Nailur 2024.

La pynlong ia kane ka jingai jinghikai da ka jingiatreilang bad ka ICAR Research Complex for NEH Region, Umiam, Meghalaya bad ki KVK West Khasi Hills bad KVK West Jaintia Hills.

Haduh 155 ngut ki nongiashim bynta kiba kynthup ia ki nongrep, ki nongseng kam seng jam bad ki sahep sorkar ki la wan ban iashim bynta ha kane ka prokram.

U Bah Shanbha Rani, Joint Director jong ka tnad ka rep ka riang (Directorate of Horticulture), Shillong, Meghalaya u la long kum u Kongsan bad u la ai ka jingkren plie ha kane ka sngi. U Kongsan u la ban jur ïa ka jingdonkam jong ki programme jingpyni bad jinghikai halor ki jingthung poh khyndew (Tuber crops) na ka bynta ban kyntiew ïa ka ioh ka kot jong ki nongrep riewlum ha ka jylla Meghalaya. U la ai ruh ka jingïaroh ïa ka jingpyrshang jong ka ICAR-CTCRI ban sdang ïa ki shnong pynmih symbai (Seed village). U Dr. Manas Ranjan Sahoo, Head, Crop Improvement; U Dr. R Muthuraj, Principal Scientist bad u Dr. D Jaganathan, Senior Scientist, ICAR-CTCRI bad u Dr. HD Talang, Scientist, ICAR Research Complex for NEH Region, Umiam, ki la pyniaid bad ai ia ka jinghikai halor ki phang bapher bapher shaphang ki jingthung poh khyndew (tuber crops).

Ki symbai jong ki jait jingthung poh khyndew (tuber crops) ba la pynbha ki kynthup ia ki Sree Jaya, Sree Pavithra bad Sree Reksha jong u phandieng & Sree Arun, Sree Kanaka, Bhu Sona bad Bhu Krishna jong u phankaro.

La sam sha ki nongrep ia kine ki symbai na ka bynta ban sdang kum ki shnong pynmih symbai (Seed village). Ha kine ki ar tylli ki prokram ai jinghikai la sam ruh ia ki tiar ai jinghikai bad ki tiar rep.