Ai jinghikai ka JSU halor ka shongkha khynnah ha Syndai

Syllad | The Rising MeghalayaDecember 30, 2021

Ka Jaintia Student Union (JSU) Syndai Unit haka 28 tarik une u bnai kala pynlong iaka jingai jinghikai iaki samla samhoi halor ka shongkha khynnah bad ka koit ka khiah.

Kane ka jingai jinghikai kadei halor ka phang- Kiar na ka shongkha khynnah kaba ktah ïaka koit ka khiah.

Ha kane ka juh ka sngi ka JSU kala pynkyup burom ruh iaki 15 ngut ki samla kiba pass bha haka kyrdan SSLC, HSSLC, Graduate bad Post Graduate. La pynkup burom ruh ia u Dr Boundty Marvelous Suliang, u Figo Syndai u rangïalehkai phutbol ka Langsning Sport Club bad u Dapmon Syngkor u nongshong dur.

U Dr H Synmon ula long kum u shemphang uba la ai jinghikai halor ka kam shongkha khynnah.

Ha kane ka jingai jinghikai bad ka jingpynkup burom la iadonlang naduh u Treiborlang R Suchen General Secretary JSU, u Ryngkat S Diengdoh Disciplinary Secretary, ki staff ka PHC Pdengshakap.

Kiwei kiba ai jingkren ki kynthup iaka Head Teacher Syndai UP School, ka Kong I W Suliang, u nonghikai ka UCC College u Professor Phlegon Syndai.