Ai jinghikai ka Kur Sookpoh iaki samla ba dang khie dang san

Syllad | The Rising MeghalayaOctober 15, 2022

Ka Khynroo Khyllood Committee jong ka Kur Sookpoh Khad-Ar Wyrnai Jowai ka la pynlong ïaka jingai jinghikai ban sngewthuh iaki har rukom ki jinglong jong ki samla ki ban dang khie dang san kaba la tip kum ka “Understanding and managing the different issues related to adolescent.”

Ia kane ka jingai jinghikai la pynlong ha iing hall jong ka kur Sookpoh Khad Ar Wyrnai ha Chilliangraij Jowai haka sngi Saitjain.

U Dolloi ka Elaka Jowai ma Puramon Kynjing ula iaroh iaki khun samla ka kur kiba la shimkhia ban pynlong ia kane ka jingai jinghikai ban tei iaka jinglong bad ka jingmut jingpyrkhat jong ki samla kiba dang khie dangsan, khamtam ha kum kane ka juk kaba ka smeh ka sniew ka imlang ka sahlang ka shyrkhei.

Ka Shelomi Syngkon, Clinical Psychologist kala long ka riew shemphang ka la ai iaka jinghikai halor ka jingshitom ka jingmut jingpyrkhat kaba iadei bad ki samla ba dang khie dang san kynthup iaki la heh la san.

Ïa ka jingialang la pynïaid da u Dakrai Chyrmang Chairman a Khynroo Khyllood Committee iaka kyntien ai khublei na ka Amoura V Syngkon Secretary Khynroo Khyllood Committee jong ka Kur.