Ai jinghikai ka KVK Jaintia Hills ban pynneh iaki symbai tynrai ha Lumkhudung

Syllad | The Rising MeghalayaFebruary 5, 2021

Ka ophis KVK Jowai ryngkat ka jingiatreilang bad ka ophis NBPGR (National Bureau of Plant Genetic Resources) Umiam, ka la pynlong ia ka prokram ai jinghikai ha ka 3 tarik u Rymphang 2021 ha ka shnong Lumkhudung, West Jaintia Hills halor ka jingdonkam ban pynneh pynsah ia ki symbai ( indigenous species).

Kane ka jingai jinghikai kadei kaba la tip kum ka Biodiversity Fair.

I shongknor ha kane ka prokram  I kong Banylla Kharbamon, SMS (Horticulture), KVK Jaintia Hills, I la batai ba kine ki symbai kiba ngi don ki dei ka spah mariang kiba U Blei u la theh sei ha ka Ri baieit jong ngi. La ai ia ka ktien pdiang burom da i bah M Kharbuli, Farm Manager, KVK Jaintia Hills iba la pynsngew ia ka jingpdiang sngewbha bad kyrpang ia ka jingkloi jong i kongsan Dr Harish.G.D, Scientist & OIC, NBPGR, Regional Station, Shillong, ban ia don ryngkatlang.

Ia ki ktien lamphang halor kane ka phang la ai da I Dr Harish.G.D, Scientist & OIC, NBPGR, Regional Station, Shillong, iba la pynshlur ia ki para nongrep ban pynneh pynsah ia ki symbai tynrai  bad ruh ban sumar sukher ia ki.

I Dr. S.R.  Rao, Professor, Biotechnology & Bioinformatics Dept. NEHU, Shillong, kum u kongsan i la kyntu ia ki nongrep ban sngew sarong ia kaei ba ki don bad ban leh katba lah ban pynneh pynsah ia ki.

La ioh ruh ia ka jingkren halor ka jingdonkam ban pynneh bad kynshew ia ki soh jingthung kiba lah rep lypa, (Conservation of underutilized fruit crops of NEH region) da u Dr Julius Uchoi, Scientist NBPGR, Regional Station, Shillong.

I Dr. A. Dympep SMS (Agril. Extension), KVK Jaintia Hills,i la ai jingkren halor ka jingtreikam ka KVK na ka bynta ban pynneh pynsah ia ki jingthung jingtep hapoh ka district West jaintia. (Role of KVK in conserving plant diversity in West Jaintia Hills).

La sam ruh ia ki farm kits sha ki para Nongrep. La pynkut ia ka program da ki  ktien jingsgewnguh da i Dr. R. Suchiang, SMS (AH & Vety), KVK Jaintia Hills.

Ka la don ruh ka jingpyni nam ia ki symbai tynrai jong ki jait jingthung baroh bad la ai khusnam ruh ia ki nongjop.