Ai jinghikai ka Loompyrdi Ïongpiah iaki samla ban jop haka jingim

Syllad | The Rising MeghalayaMarch 27, 2021

Ka Dorbar shnong Loompyrdi Ïongpiah kum shibynta ban hikai ïaki samla ban jop haka jingim pule puthi khamtam kala pynlong iaka ai jinghikai ‘Career Guidance’ haka Ïungwalieh ka Loompyrdi Ïongpiah haka 25 tarik une u bnai.

U ma R Lamar ula long kum u riew shemphang ula wan ai jinghikai ïaki samla kumno ban jied iaki lain pule bad ban trei shitom ban jop haka jingim.

Hashwa ban ïoh jingbatai ka la don ka jingïalang lyngkot ba la pynïaid da u ma Alan Niangti Waheh shnong Loompyrdi Iongpiah bad ki kyntien na uwei u riew rangbah u ma OH Toi.

Haba kren halor ka phang “Youth: Strength & Opportunities, u ma R Lamar ula ban jur ïaki samla ba ki dei ban sngewthuh bha ïalade bad hashwa ban jied ïa kano kano ka kam ne ka laiñ pule ymdei ban jied da kaba leh shongshit tang namar ba ki paralok ki leh ne da ka jingbym banse bad jingpynbor jong kiwei.

Haba ïadei bad ka Opportunities ne ka lad ka kabu, ula kyntu ban long ki samla kiba lah ban ïohi jngai bad ban nang ban jied ïa kata ka kabu ksiar katba dang biang ka por namar ka jingbym nang ban shim rai haka por kaba biang ka pynsepei ïaka jingim jong ki.

Ula batai ruh shaphang ka jinghiar dor ka pule puthi ha kajuk mynta namar ka jingbymlah shuh ban hikai ïaki khynnah shaphang ka Personal Charater ne ka akor burom lade.

Ula ban jur ruh ban long ki samla kiba tip ïaka akor ka burom namar kane ka ïarap na ka bynta ban tei ïaka lawei ka jingïaid lynti haka jingim jong ki.