Ai jinghikai ka RBI Shillong iaka rukom pyntreikam iaka pisa pilain ha Nongstoin

Syllad | The Rising MeghalayaJuly 27, 2023

Ka Reserve Bank of India, Shillong haka 26 tarik une u bnai ka la pynlong ia ka prokram ai jinghikai ha kaba iadei bad ki jingnang jingtip bad ka jingshim rai ha kaba iadei bad ka rukom pyntreikam ia ki pisa pilain ne ‘Financial Literacy Event’ hapoh ka Dorbar Hall jong ka shnong Mawkawah, Nongstoin, West Khasi Hills District.

Ia kane ka prokram la plie da u Bah Olden Nongpluh, General Manager bad Officer-in-Charge (GM(O-i-C)), Reserve Bank of India, Shillong ha kaba la wan iashim bynta lang ruh da u GM(O-i-C), NABARD, ki heh na ka ophis BDO Nongstoin Block lem bad kiwei pat ki heh na ki bank kiba treikam ha katei ka thain.

Ha kane ka prokram na ka liang u GM (O-i-C), RBI bad u  GM(O-i-C), NABARD ki la ai ka jingkren sha ki nongwan iashim hynta halor kiba bun ki mat bad halor ki jingmyntoi lyngba ki bank kumjuh ha kaba iadei bad ki jingtreikam kiba iadei bad ki kam pisa pilain.

Na ka liang u heh ka RBI Shillong u la ai ka jingpynshai sha ki nongiashim bynta halor kiba bun jait ki lynti kiba shngain bad ia kaei kaba ki dei ban leh bad kaei kaba kim dei ban leh ha kaba iadei bad ka jingshngain jong ki digital banking,  ka jinglah ban shah thok jong ki customer ha ki kam pisa, ki jingujor ha ki jingtreikam jong ki bank bad halor ki   digital transactions, kum kaUPI, BHIM, USSD, bad kiwei pat.

Ha kane ka jingialang la ioh ia ka jingkren pdiang sngewbha na u bah Olden Nongpluh, General Manager bad Officer-in-Charge (GM(O-i-C)), Reserve Bank of India, Shillong ha ka jingiadon ryngkat lang jong kumba 160 ngut ki nongrep, ki dkhot na ki SHG, ki nongtreikam lajong bad kiwei kiwiei.

Ha kane ka sngi la aiti haduh 18 tylli ki shithi ai ram kaba la kot sha ka T.1.08 klur lyngba ki bank kiba treikam ha kine ki thain sha ki nongioh jingmyntoi.Nalor kata ki katto katne ki bank ki la buh ruh ia ki counter na ka bynta ka Social Security Schemes bad ka jaka kylliang pisa na ka bynta ka jingmyntoi jong ki nongiashim bynta.