Ai jinghikai ka SAM na ka bynta ki khynnah ba don jingduna

Syllad | The Rising MeghalayaSeptember 9, 2023

Ka Shooting Association of Meghalaya (SAM) ha ka sngi Thohdieng ba la lah ka la pynlong da ka jingiakop siat suloi kaba kyrpang na ka bynta ki khynnah kiba duna ha ka bor ioh sngew hapoh Bethany Society, Veronica Lane, Laitumkhrah, Shillong.

Baroh ki la don haduh 19 ngut ki khynnah kiba la wan sha kane ka jingpyni ia ka rukom siat suloi bad 4 ngut ki nongsiat suloi na ka Association. Napdeng kine 9 ngut ki la lah ban pyni ia ka sap watla ka dang dei ka sien kaba nyngkong kaba ki la ioh lad ban iashim bynta ha kaba kum kane ka jingialehkai sport.

Na ka liang u President ka Shooting Association of Meghalaya u Bah John F Kharshiing u la ong ba ka Association ka plie ia ka lad ka lynti na ka bynta ki briew kiba don ka jingduna ha ki dkhot met na ka bynta ban ioh jinghikai, kata lyngba ka jingai jingmynjur da ki bor pyniaid skul bad principal khnang ba kin lah ban iashim bynta ha ki jingialehkai sport hapdeng ki briew kiba don jingduna.