Ai jinghikai ka SURE ban shngaiñ ka ioh bam ioh dih ha Namdong B

Syllad | The Rising MeghalayaFebruary 3, 2022

Ka Society for Urban and Rural Empowerment (SURE) kala pynlong iaka jingai jinghikai ban ioh ia ka bam ka dih kaba biang bad ban pynkup bor iaki nongrep trai ri trai muluk lyngba ka prokram Agroecology Learning Circles (ALC) haka shnong Namdong B haka 2 tarik une u bnai.

Ka jingai jinghikai kadei kaba la tip kum ka Empowering Indigenous Communities through Agroecology Learning Circles (ALC) for resilient, integrated and innovative natural resources management kaba ka SURE kala iatreilang North East Slow Food and Agrobiodiversity Society (NESFAS).

Ïa kane ka projek la bei pisa da ka World Bank lyngba ka Meghalaya Basin Management Agency (MBMA). Ka SURE kala pyntrei ia kane ka projek ha ki katto katne tylli ki shnong ha West bad East Jaiñtia Hills Distrik.

Ka jingthmu jong kane ka projek ka long ban pynkupbor ïa ki paid riewlum kiba long ki trai ri trai muluk lyngba ka rynsan jong ka ALC.  Ka jingthmu ka long ruh ban ïoh ia ka meiramew kaba biang kaba dap, kaba kynthup lang ïa baroh bad kaba ïarap ruh ban wad ïa ki lad thymmai khnang ba ka lawei jong ka ïohbam ïohdih kan long kaba shngañ (Food Security).

Ha kane ka juh ka sngi ka SURE kala ai jinghikai ruh halor ka jingshongkha khynnah da ka jingkyrshan jong ka Meghalaya AIDS Control Society. Shuh shuh la hikai ruh halor ka jingpang AIDS kaba la kynrei mynta wat sha ki shnong nongkyndong.

Ha kane ka jingai jinghikai la iadonlang u waheh shnong Namdong B Damian S War, ka kong Rosa Ksoo president Village Organisation, Niwanka Shylla Darimika Lywait, Zonal Supervisor jong ka projek Link Worker Scheme bad ka Daka Bareh kaba mihkhmat iaka NESFAS.