Ai jinghikai ka TBBT halor ka koit ka khiah ki samla bad ka shongkha

Syllad | The Rising MeghalayaOctober 29, 2024

Ka The Birds & Bees Talk (TBBT), Plan International (India Chapter) ryngkat ka jingiatreilang ka District Mission Coordinator, SSA West Jaintia Hills haka 28 tarik u Risaw kala pynlong iaka jingai jinghikai kaba shisngi halor ka phang ‘Adolescence Mental Health and Sexual Education’.

Ia kane ka Workshop la pynlong ha District Library Auditorium, Jowai kaba la wan ban iashim bynta da ki nonghikai na ki 3 tylli ki Block jong ka West Jaintia Hills District.

Ka Kong M. Lakiang, District Mission Coordinator, SSA West Jaintia Hills haka jingkren kala khot wer iaka jingiatreilang jong ki nonghikai halor ka jingthmu ba bha jong ka The Birds & Bees Talk (TBBT), Plan International (India Chapter).

Ka Pf. Leshiphro Kashena, State Lead (TBBT) kum ka riew shemphang kala kren halor u Drugs, Sexual Education, Adolescence Mental Health bad kala kyntu ruh ia baroh ki nonghikai ban kitkhia ban pyndep iaki kam kiba la buh thong ban leh ha man ki skul.