Ai jinghikai ka YDS Mynso-B bad ka NYK ban tyngkai iaka um slap

Syllad | The Rising MeghalayaFebruary 12, 2021

Ka Youth Development Society Mynso-B haka jingiatreilang bad Ka Nehru Yuva Kendra Sangathan Jowai mynta ka sngi ka la pynlong ia ka Awareness program halor ban tyngkai iaka umslap “Catch the Rain Water Where It Falls” haka Mynso B.

Ha kane ka sngi la don ka jingialang ba lyngkot kaba la pyniaid da u samla CB Lamare. La ioh jingkren na u Secretary VEC Mynso B u Ma Batskem Myrchiang, Secretary Shnong Mynso-B u Ma Arnest Syntem

La iadonlang ruh ha kane ka prokram naduh u president VDP Mynso B, ki Nonghikai na ki Skul ba pher ba pher ki khynnah skul ki samla bad ki longkmie jong ka shnong.

U Ma RM Khlem u lah long kum u riew shemphang, u la batai ia ka jingkordor jong ka um slap bad kumno ban tyngkai ia ka. “Ngi tip ba ka State Meghalaya jong ngi ka long ka State ba jur tam ban ioh pdiang um slap tangba kata ruh ngi dang shem ia ka jingkyrduh um ha ka por tlang, kumta ngi dei ban kunai ne ban kynshew ia ka um khnang ba ngin ioh ban pyndonkam ia ka,” la ong u ma Khlem uba long ruh u waheh shnong Mynso B.

Ha kane ka sngi la don ka jingshad tynrai (Folk Dance) na ki khun samla jong ka Shnong Mynso B bad ka Quiz competition. Ha ka quiz Competition ki nongjop ki long 1st Prize Bene Volence Dkhar bad ka Esadaka War, 2nd Prize Odakani Shwa Myrchiang bad u Waphrang Khlem, 3rd Prize ka Maya Phika Pan bad u Kerry Myrchiang.

La pynkut ia kane ka program na ki kyntien ai khublei na ka Genaral Secretary ka Youth Development Society Mynso-B ka samla Balam Pakma.