Ai jinghikai MCSWA 40 ngut ki samla ban pynkup bor iaki samla
Ka Mihmyntdu Community Social Welfare Association (MCSWA) kala pynlong iaka jingai jinghikai halor ka phang “Training on leadership and Community Development” ne ban pyntbit iaki samla ban long ki nongialam ha kino kino ki kam bad kumjuh ban pynkupbor iaki samla bad ban wad ki lad ki lynti ban pynjem iaki jingeh ba iatakhuh haka imlang ka sahlang.
Ia kane jingai jinghikai la pynlong haka 27-29 u bnai Kyllalyngkot bad la kyrshan pisa da ka Nehru Yuva Kendra Sangathan Jowai.
Ki don haduh 40 ngut ki samla bad ïaka jingai jinghikai la pynlong ha iingbasa ka shnong Ïalong Lodge
Haka sngi sdang jong ka jingai jinghikai la donlang u Bah Rapsang Deputy Director NYK Meghalaya I/C District Youth Coordinator Jaintia Hill ryngkat ka jingdonlang u Sanatan Das Regional Officer Youth Employment, u Raja Langstang Mr Meghalaya, ki Volunteers ka NYK, ki dkhot ka MCSWA ,ki nongtrei bad kiwei kiwei.
Haki 3 sngi ki khynnah kiba shah hikai ki khynnah samla ki la shim bynta ruh ban pynkhuid ïaka Ïalong Park haduh Madan Lariang ryngkat ka jingleit trekking bad kiwei kiwei de ki program ba bun jait.
Ki riew shemphang kiba la ai jinghikai ki long u Sanatan Das Regional Officer Youth Employment, Dr HH Mohrmen, ka Merigold Papiah Adolescence Counsellor, u Sajeki Passah editor wyrta.
La iadonlang ruh u Hameshaniah Suiam International Kick boxing, u Raja Langstang Me Meghalaya kiba la ai mynsiem bad pynslur iaki samla bad ka jingialang la pynïaid da ka Kong Rinibeth Patlong Program Manager MCSWA.
Facebook
Instagram
Youtube
Twitter
Leave a Reply