Ai jingïarap ka AJCVA sha kawei ka longing da ki mar bam

Syllad | The Rising MeghalayaMay 10, 2021

Ka All Jaintia Commercial & Vehicle Association (AJCVA) haka jingïalam u President u Paila Kordor Lyngkot ka la leit ban ai jingïarap da u khaw, ki jhur, umphniang bad kiwei kiwei ki mar bam sha ka longïing jong kawei riew kynthei kaba ha Riatsasim Jowai, West Jaintia Hills District.

Kane ka riew kynthei ka don San ngut ki khun bad uwei khun jong ka uba dang 5 snem rta u don haka jingshitom haka kjat namar u hap halor ïing.

Ïa kine ki mar bam la leit ban aiti haka sngi Nyngkong bad hashwa ban aiti ïaki marbam la ïoh ka jingkren ai mynsiem na u Paila Kordor Lyngkot uba la ïathuh ba ki mat ba kongsan jong ka seng ka long ban ai jingïarap ïa kiba kynduh jingeh.

Ula sneng la kyntu ïa kane ka riew kynthei ba kamdei ban duh jingkyrmen wat lada ka la shah ïeh ha u tnga hynrei kan ïeng kum ka kmie ban shah ïaki jingeh na bynta ki khun.

Ka Kong Pyngngad Liam ka pynpaw ka jingkmen ba don kum kane ka seng kaba kloi ban peit ïaki longïing ki baduk ba rangli.

Ka la ai ka jingkyrkhu kyrdoh ïaka seng ba kan ïaid shakhmat haki kam ba bha bad ban bteng ïaki lad jingïarap sha kito kiba donkam jingïarap.