Ai jingiarap ka EJNC sha ka jaka ri khunswet ha Tuberkmaishnong
KHLIEHRIAT: Ka East Jaiñtia National Council (EJNC) – Western Zone ryngkat ka jingiatreilang bad ka EJNC- Central Executive Council bad ka West Jaintia National Council (WJNC) kila leit ban ai jingiarap da u khaw, borti bad kiwei kiwei ki tiar haka jaka ri khunswet kaba don ha Tuberkmaishnong, East Jaiñtia Hills District.
Ïa kine tiar la leit ban aiti haka 12 tarik Nailar ha ki bor pynaid katei ka jaka ri khynnah, ka 7 Thyndai Child Care Institute Cum Counselling Centre kaba pynïaid daka Women Wing jong ka Seiñraij Tuber.
![](https://www.syllad.com/wp-content/uploads/2024/09/JIT-Vacancy-823x1024.avif)
Shuwa ban aiti kine ki tiar la don ka jingïalang kaba lyngkot kaba pynïaid da ka kong Tiewmihpli Lyngdoh, Chairperson Seiñraij Tuber Women Wing kaba la iathuh lyngkot shaphang ka jingiaid lynti jong katei ka jaka ri khunswet. La ïoh ruh ka jingkren na ka kong Faithtis Ryngkhlem Secretary Seiñraij Tuber Women Wing.
Nakliang ka EJNC la kren da u Sambormi Lyngdoh, President EJNC – CEC uba la pynpaw iaka sngewnguh kaba khraw iaka ki longkmie jong ka Seiñraij Tuber kiba tynrong halade iaka jingkitkhlieh ban ri ïa kine ki khynnah kiba don haduh 7 ngut. Ula pynpaw ba kum ki sengbahlang kiba peit iaka bha ka miat ka imlang ka sahlang ki long kiba kloi ban iatreilang bad ka Women Wing jong ka Seinraij Tuber ban pynbha ïa katei ka jaka ri khynnah.
Ka ENJC kala kyntu ïa u MLA ka thain uba long ruh u Myntri ka tnat Social Welfare bad kiwei u Ma Kyrmen Shylla ban pynbiang ïaki jingdonkam ki jaka ri khynnah ha East Jaiñtia Hills District.
Ha kane ka sngi la ioh ruh iaka jingkren na u Kitborlang Dkhar, President WJNC, u Nangjan Dkhar General Secretary, EJNC-CEC, u Mehi Rymbai, General Secretary EJNC-MEU, u Training Phawa, President EJNC-WZ, bad iaki kyntien khublei lah ioh na i kong Milis Dkhar.
Hadien bala kut ka jingialang ki dkhot jong ka EJNC kila ai sngewbha ruh da ka pisa sha katei ka ri Khunswet.
Leave a Reply