Ai jingïarap ka Ephphatha Society sha ki briew ba don jingduna

Syllad | The Rising MeghalayaJune 11, 2021

Ka Ephphatha Society-Ka Society kaba peit kyrpang ia ki briew kiba don jingduna ha ki dkhot met ne kiba la tip kum ki Differently Abled Person hapoh ka jingialam jong u President Rev. ES Sapuh kala sam da ki marbam ba kynthup ia u Khaw, U Phan, u Dai bad ka jingda khmut (mask) sha  ki 15 tylli ki longïing kiba don  ha ka shnong Tuberkmaishnong, East Jaintia Hills District ha ka sngi Thohdieng.

Katkum ka khubor kaba la pyllait da kane ka society ki long ïing dei kiba don ia ki khun ki kti kiba don jingduna ha ki dkhot met.

Ha kane ka jingsam mar bam la synran lang iaki dkhot jong ka Society da U Waheh Shnong Tuberkmaishnong u ma Jiedlang Sana, Secretary Shnong Micky Lyngdoh bad ka kong Samjan Shyrmang (Asha). 

U Secretary jong ka Society u Shaniah Phawa, u la ong ba kane ka jingkhangdam lane ka lockdown ka la ktah shisha ia kito ki longïing kiba don ïa ki khun ki kti ba don jingduna ha ki dkhot met, namar ba kim lah shuh ban leit trei leit ktah, bad ha ka juh ka por kiba kum kine ki longïing kim da ioh lad eh ban leit trei leit ktah kum kiwei, namar ki hap ban peit ban sumar ïa ki khun jong ki kiba don jingduna ha ki dkhot met.

Da ka mynsiem jong ka jingiatip lem ka Society da kawei ka jingmut ka la pynbeit ban ïarap ïa kine ki longïing kum ka dak ban ia kyrshan lem ia ki bad ka society ka buh haka jing duwai ba U Blei un kyrkhu ia kine ki jingai khnang ba kin ioh ban dap ban biang ha ka jingim ba man ka sngi.