Ai jingiarap ka HYC Nongthymmai sha 50 tylli ki longïing ba duk

Syllad | The Rising MeghalayaApril 4, 2020

Ka Hynniewtrep Youth Council (HYC) Nongthymmai Circle hapoh ka jingialam u Enlang Sawian President ka Nongthymmai Circle ryngkat ki dkhot hynnin ka sngi Thohdieng kila ai jingiarap da ki marbam sha ki longiing kiba kyrduh bad kynduh jingeh na ka jingkhang khyrdep ne Lockdown.

Ka HYC Nongthymmai Circle ha kane ka jingai marbam jong kala ioh ban iarap sha palat 50 tylli ki longing kiba don kylleng ki shnong bad ki dong ba hap hapoh ka jingpeit jong ka HYC Nonthymmai Circle.

Ka HYC ka la kyntu iaki riewshimet bad khamtam eh iaki bor sorkar ba kidei ban peit iaka jingeh jong ki nongshong shnong bad pynioh ki lad jingiarap sha kum kine ki longiing kiba donkam shisha ka jingiarap kiba don ha kylleng ka bri u hynñiewtrep kiba la hap ban map iaki jingeh bad jingkyrduh ha kum kane ka por kaba ka pyrthei hi baroh kawei ka dang don hapdeng ka jingiakhun pyrshah iaka jingpang COVID-19.