Ai jingïarap ka longkmie haduh 54 tylli ki longïing baduk ha Wapungskur

Syllad | The Rising MeghalayaApril 2, 2020

Ka Kong Chiarmon Dkhar, kawei na ki nongshong-shnnong ba pawkhmat, ba sbun bad khuid mynsiem bha iong ka shnong Wapungskur, East Jaintia Hills District, da ka mynsiem kaba sngewkhia jur halor ka jingshahktah jur jong ki long iing baduk ba kyrduh, kiba im na kti ha ktien, kiba shong ba sah ha ka Dong Umchongpet, Wapungskur, East Jaintia Hills District, na ka jingpakhang shnong jong ka Ri India na ka jingpang khlam, u COVID-19, mynta ka sngi, da ka mynsiem sngewsynei ka la ai jingiarap kylluid mynsien ia ki katto katne tylli ki longing longsem ba duk ba kyrduh  jong ka Dong Umchongpet, Wapungskur, da kaba ai ia ki da u khaw haduh kumba 1050kg, u phan 200kg bad u piat 100kg.

Haduh 54 tylli ki longing longsem kiba duk ba kyrduh na ka Dong Umchongpet, Wapungskur, kiba la ioh jingiarap na kane ka kong Chiarmon Dkhar. Ia kitei ki marbam ba donkam la sam sha kitei ki longing ha ryngkat ka jingdonlang, ka jingkren lyngkot bad ka jingduwai u Chairman jong ka Dong Umchongpet, u Ma G.R Bareh bad la sam ruh ia ki, da kaba peit katkum ka jingbun briew ha kawei pa kawei na kitei ki longiing.

Ka kong Chiarmon Dkhar, ka dei kawei na ki longkmie kaba sbun bad khuid mynsien bha, kadei ka longkmie kaba kloi ban leh bha ban iarap ia ki kiba duk ba kyrduh bad kiba shem shitom shem jynjar ha kano kano ka por.

Ym tang ia kiba duk ba kyrduh hynrei kumjuh ruh ka Kong Chiarmon Dkhar, ka long ka briew kaba kylluid mynsien bha ha kaban iarap ia ka ka Kur ka Jait, ka shnong ka thaw bad ruh ia ka imlang ka sahlang ha kiba bun ki bynta na ka por sha ka por.

La ong shuh shuh, ba ka Kong Chiarmon Dkhar, kan dang iai bteng shuh hsuh ia ki kam lehisynei jong ka nangne sha khmat ruh, khamtam sha ki longing ba duk ba kyrduh  kiba la shah ktah jur bha ha kaba kum kane ka por jong ka jingpakhang shnong na ka daw jong ka Jingpang Khlam COVID-19.