CM Relief Fund: Ai jingiarap u CEM JHADC & u MDC Ummulong, ka Seinraij Jowai bad ki nonghikai primary ka sorkar

Syllad | The Rising MeghalayaApril 2, 2020

U Chief Executive Member jong ka Jaiñtia Hills Autonomous District Council (JHADC) u ma Thombor Shiwat bad u MDC ka Ummulong Moodymmai u ma Jesse Suiam kila ai sngewbha haduh T.50 hjar sha ka Chief Minister’s Relief Fund for #COVIDー19.

Kine ki ar ngut ki MDC kila ai jingiarap sha kane ka Relief Fund namar ka jngsngewkhia halor ka jingpur u khniang Coronavirus, uba haduh mynta um pat jem kane ka jingpur kaba la wanrah ïaka jinghap ban khang khyrdep ïaka shnong ka thaw bad ka ri baroh kawei.

U Chief Executive Member jong ka JHADC u Ma Thombor Shiwat u la ong ba hadien ka jingmih khubor lyngba u Myntri ka koit ka khiah jong ka Assam ba la don 19 ngut kiba la shah ktah ha une u jingpang Coronavirus hapoh ka jylla Assam, kala dei ka por ba ka Sorkar Jylla Meghalaya kan pynkhreh bad wad kilad iada ba kane ka khlam kan ym rung sha ka jylla jong ngi.

“Ka pisa kaba nginoh synniang sha ka CM Relief Fund kadei kaba khyndiat, hynrei ngi ngeit skhem ban kan ïarap iaka sorkar ban shim ki lad jingiada ban iakhun ïa une u khniang COVID-19,” ong u Ma Thombor Shiwat.

Ïa kane ka pisa kine ki ar ngut kila aiti ha Deputy Commissioner jong ka West Jaiñtia Hills District u ma Garod LSN Dykes mynta ka sngi.

Ha kane ka sngi nyngkong 30 tarik u Lber ka Jaintia Hills Govt. Primary School Teachers Association (JHGPSTA) ruh kala synniang T50000/- kaba la aiti da u HT Mohrmen bad u Ricky Lamare ha u DC West Jaiñtia Hills.