Ai jingkyrshan ka KSU Narpuh iaka jingdawa kyntiew kyrdan iaka Umkiang PHC

Syllad | The Rising MeghalayaFebruary 4, 2022

Ka Khasi Student Union (KSU) Narpuh Circle kala ai ka jingkyrshan kaba pura ïaka Dorbar Shnong Umkiang halor ka jingdawa jong ka ban kyntiew kyrdan ïaka Umkiang PHC sha ka CHC.

U vice president KSU Narpuh Circle u Phanuel Tongper, ula ong ba kala dei eh ka por ban kyntiew kyrdan noh ïaka PHC Umkiang sha ka CHC namar ki nongshong shnong kiba shaniah ha kane ka jaka ai jingsumar ki don haduh 15,000 ngut, na ki 16 tylli ki shnong kynthup ruh ki shnong kiba don ha khappud kum ka Huroi, Lejri, Lailong bad Borsora.

Ula ong ba bunsien ki nongpang khamtam kiba wan na ki longïing baduk ki hap ban pynlut pisa ban leit shah sumar shaduh Assam tang namar ba ym biang ki dawai dashin ne ki tiar jingsumar kumjuh ki doktor.

Kane ka PHC kam biang ruh ki jaka thiah jong ki nongpang, ki tin sopïing ki la jot bad pei thliew khamtam haka aïom slap la hap ban pdiang ïaka umslap haki borti sha baroh ki kamra thiah jong ki nongpang, kamra doktor bad wat sha kamra buh dawai ne Medicine Store room. Nalor kane ka ka PHC ka don ha surok bah bad haba don kino kino ki jingjia aksident bunsien ki Police Patrolling Post ka Umkiang ki phah sumar iaki nongpang iaki shitom malu mala, hynrei kiab shitom jur hap ban pynkit sha kiwei kiwei ki jaka sumar ba jngai.