Ai jingkyrshan ki nonghikai na Khasi Jaintia iaka jingialang ka MUPSTA ha Rilum Garo

Syllad | The Rising MeghalayaDecember 1, 2021

Ka synjuk ki nonghikai Meghalaya Upper Primary School Teachers Association (MUPSTA) East Khasi Hills kaba  kynthup ia ki Adhoc bad Improve schools jong ka East Khasi Hills ka ai jingkyrshan pura ia kano kano ka rai ka ban sa shim da ka MUPSTA- Garo Hills Region.

Ka synjuk ki nonghikai Adhoc ha Garo Hills kila khot iaka jingialang haka 3 tarik Nohprah 2021 ka ban long ha Asanang, Tura, West Garo Hills.

Kane ka jingialang ka long na ka bynta ban pan iaka rai jong baroh ki nonghikai upper primary skul ban pynlong syndon da ka jingiakhih paidbah kaba tyngeh tad haduh ba ka sorkar kan pynurlong noh ia ki jingdawa jong MUPSTA. Ka jingdawa kalong ban kyntiew deficit noh ia baroh 844 tylli ki adhoc upper primary skul kiba don ha Meghalaya.

Ka MUPSTA kala ioh ia ka proposal ne ka jingtyrwa ban kyntiew deficit system noh ia baroh ki Adhoc UP schools ha ka Teachers’ Conference kaba la long ha Asanang, Tura haka 27 tarik u Nailur, 2018. Ka MUPSTA kala kmen ba la ioh ia kane ka proposal na ka sorkar bad baroh ki jingdonkam la dep phah lut sha tnat ba dei peit, ong u Bah BK Samiam, Publicity Secretary MUPSTA, East Khasi Hills.

U Bah BK Samiam ula ong ruh ba ki nongialam jong ka seng kim shym la shongthait ban iai buddien ia kane kaba la iaid la jan 4 snem pura. Ula ong ba ha ka jingbuddien la lap pynban ia ka jingiai pynslem bad ka jingaidaw ba kyllain da ka sorkar.

Ka synjuk ki nonghikai kaba kitkhlieh na ka bynta ka jingbha jong ki Nonghikai kam banse ban shim da ka sienjam ba tyngeh ban pynurlong ia kane ka jingdawa kaba la ioh ka jingtyrwa na ka sorkar, la ong u bah Samiam.

Shuh shuh ki nonghikai Meghalaya Upper Primary school Teachers Association (MUPSTA) West Jaintia  Hills District ruh ka ai ka jingkyrshan kaba pura iaka jingialang bah ki nonhghikai ha Garo Hills bad kaei ka rai kaba mih kin ai ka jingkyrshan kaba pura, la ong ka kong N Shullai  President MUPSTA- West Jaintia Hills District Unit.