Ai khublei bad kitbok kitrwiang ka JSU ïa ki samla ba pass bha

Syllad | The Rising MeghalayaMay 11, 2019

JOWAI: Ka Jaiñtia Students’ Union (JSU ka ai khublei bad kitbok kitrwiang ia ki samla ba wan shakhmat ha kane ka eksam Higher Secondary School Living Certificate (HSSLC) Examination Science bad Commerce  stream  kaba dang shu dep pynbna dangshen da ka MBOSE.

U Lawyerson War President JSU, u la ong ba ka seng ka ai ka jingiaroh bad khublei kyrpang ia ki samla ba lah ban wanrah iaka nam bad ka burom ia ka ïing ka sem bad iaka jaitbynriew hi baroh kawei. Ka JSU ka ai khublei kyrpang ïa u Berennice Anerict Tang, uba la wan ha ka kyrdan balai, u Kamphereiei Pala haka kyrdan ba phra kiba na ka skul North Liberty Higher Secondary School, Jowai bad u  Khroo Meda Dkhar naka KJP Synod Mihngi Higher Secondary School, Jowai ha ka kyrdan ba hynriew ha ka First Ten position.

Ka seng ka ai khublei ruh ia baroh kiba la pass ha kane ka eksam ba kin nangtrei shitom shuh shuh haduh ba kin poi haka thong haka jingim pule puthi jong ki, kumjuh ruh ka seng ka ai mynsiem ruh ia kito kiba ym shym la lah ban jop ha kane ka eksam ba kin trei shitom shuh shuh nangne shakhmat khnang ba kin ioh ban kheit ia u soh uba thiang.