Ai khublei Behdeiñkhlam ka Seiñ Kur Dkhar Wapung Circle

Syllad | The Rising MeghalayaJuly 16, 2024

Ka Seiñ Kur Dkhar Wapung Circle ka ai khublei Behdeiñkhlam ba suk ba kmen ia phi ki kur baroh ki khun ki hajar ka Seiñraij Tuber kiba shong ba sah haki shnong bapher bapher hapoh ka bri hynniew trep hynniew skum.

Ha u kyrwoh bala phah u President bad secretary Sein Kur Dkhar, u bah Shaniah Skhem Dkhar bad u Kyrshan Dkhar kila pynpaw: “To ai ba kane ka Behdeiñkhlam ka long mynta u snem kan long kaba iaid beit iaid ryntih bad kan beh iaka jingpang kiba bapher bapher jong kane ka pyrthei khamtam ha kaba ngi lah ban beh ia ki jingpang khlam ba har rukom kiba wan ban lyngshop ia u ia uwei pa uwei u nongshong basa ha kane ka sla pyrthei. Ngi ngeit skhem ruh lyngba kane ka Behdeiñkhlam kan tehsong iaka jaidbynriew ban don ka mynsiem iatylli kum ka jaidbynriew rit pait hapoh ka Bri u Hynniewtrep Hynniewskum”.

Ka Sein Kur Dkhar ka kitbok kitrwiang kyrpang ia ki khun jong ka Seiñraij Tuber ba kin dang lah ban dang iaid shakhmat ban pynneh pynsah ia ka leh niam ka leh rukom khnang ba ka jaidbynriew jong ngi kan im kan sah ha sla phyrthei. To ai ba U Blei U Trai kynrad Nongbuh Nongthaw un dang theh ia ki jingkyrkhu khyrdoh ba ngin dang ioh ia ka koit ka khiah krad ba ngin lah ban kamai bha kamai miat ba ngin kiew irat ha ka pule puthi ka pyrkhat pyrdaiñ ka ban kyntiew ia ka Ri bad ka jaitbynriew sha kliar u lum,”