Ai khublei Behdeiñkhlam Seinraij Muthlong ka Sein Kyntu Seinraij 12 Daloi

Syllad | The Rising MeghalayaAugust 1, 2020

Ka Sein Kyntu Sein Raij 12 Daloi ka ai Khublei Behdeiñkhlam basuk ba kmen ia phi ki khun ki hajar ka Seinraij Muthlong kiba shong ba sah haki shnong bapher bapher hapoh ka Jylla.

Ka Behdeiñkhlam ka Seinraij Muthlong lawan ban iashim bynta da ki 8 tylli ki Shnong kiba hap hapoh ka seinraij Muthlong bad kine ki kynthup iaka Muthlong Rashai, Pammanik, Latymphu, Thadsning, Moobandu bad ka shnong Sohkymphor.

Kini baroh kidei ki khun jong ka Seinraij Muthlong bad shisien shi snem ki wan ban ia shim bynta haka lehniam Behdeiñkhlam ka seinraij Muthlong ka ban kut lashai ka sngi 2/08/2020 ha aitnar ka raij Muthlong.

Naka liang ka Sein Kyntu Sein Raij 12 Daloi ngi ai Khublei bad kitbok kitrwiang ia baroh ki khun jong ka Sein Raij Muthlong bad ai ba kane ka jinglehniam Behdeiñkhlam kan beh ia kane ka jingpang khlam COVID-19 sha jngai bad ka Jylla jong ngi kan lait na kane ka pang khlam.

Kane ka long katkum ka jingpyllait khubor u Rgh. S.Sari Publicity Secretary ka Sein Kyntu Sein Raij 12 Daloi.