Ai khublei Behdeiñkhlam Tuber ka KSU East Jaintia Hills

Syllad | The Rising MeghalayaJuly 16, 2024

Ka seng Khasi Students’ Union (KSU), East Jaintia Hills District Unit ka shim iaka kabu ban ai khublei Behdeiñkhlam basuk bakmen ia u khun hajar jong ka Seinraij Tuber ka ban pyndep iaka Behdeiñkhlam naduh 16-19 tarik Naitung.

Ka KSU-EJHDU ha u kyrwoh bala phah da publicity secretary Hamewapynhun Ryngkhlem, ula pynpaw ba ka KSU ka pynpaw iaka jingkmen bad sngewsarong ba ka Seinraij Tuber kumba ju leh manla u snem mynta ka kynti ruh kan pyndep iaka jinglehniam Behdeinkhlam ban beh ia ki jingpang khlam ba har rukom kiba wan ban lyngshop ia u ia uwei pa uwei u nongshong basa ha kane ka sla pyrthei.

“Ngi ngeit skhem ruh lyngba kane ka Behdieñkhlam kan tehsong iaka jaidbynriew ban don ka mynsiem iatylli kum ka jaidbynriew rit pait hapoh ka Bri u Hynniewtrep Hynniewskum,” la ong u kyrwoh.

Ka KSU ka kitbok kitrwiang kyrpang ia ki khun jong ka Seiñraij Tuber ba kin dang lah ban dang iaid shakhmat ban pynneh pynsah ia ka leh niam ka leh rukom khnang ba ka jaidbynriew jong ngi kan im kan sah ha sla phyrthei. “To ai ba U Blei u Trai kynrad Nongbuh Nongthaw un dang theh ia ki jingkyrkhu khyrdoh ba ngin dang ioh ia ka koit ka khiah krad ba ngin lah ban kamai bha kamai miat ba ngin kiew irat ha ka pule puthi ka pyrkhat pyrdaiñ ka ban kyntiew ia ka ri bad ka jaitbynriew sha kliar u lum,” pynkut u kyrwoh ka KSU