Ai khublei Behdieñkhlam ka JSM iaki raij baroh ha rilum Jaintia

Syllad | The Rising MeghalayaJuly 6, 2020

Ka Jaiñtia Students’ Movement (JSM) lyngba ka tnad Socio & Cultural Secretary ka ai khublei Behdeiñkhlam basuk ba kmen iaki khun u hajar ka Bri U Hynñiewtrep Hynñiew Skum .

Ka JSM kala ai ka jingkitbok kitrwiang ia baroh ki khun jong ka Seinraij Jowai bad kumjuh ka Seinraij Tuber bad kiwei kiwei ki Raij kaba ka jingpynkhreh ka dang iaid shait shait ban lehkmen Behdieñkhlam ba kin ioh ka met kaba koit kaba khiah bad ka roi ka par kaba kyrhai.

“To ai ba kane ka Behdieñkhlam kaba la ngeit ban beh iaka khlam bad ka jingsniew jong ka imlang ka shalang kan jop bad ban pynjem iaka jingpang khlam COVID-19 ha kane ka sla pyrthei. Ngi ngeit ba U Blei nongbuh nongthaw un sngew iaka jingkyrpad kyrpon ki nongsharai niam bad ki riewngeit Niamtre khnang ba kane ka pyrthei kan ioh biang iaka koit ka khiah bad ka shongsuk shongsaiñ,” ong u president ka JSM u Leningstar Rymbai.