Ai khublei Christmas ka Ladthadlaboh Dorbar Chnong

Syllad | The Rising MeghalayaDecember 24, 2024

Ka Ladthadlaboh Dorbar Chnong ka ai khublei Christmas ba suk ba kmen ia baroh ki riew ngeit Khristan kumjuh iaki para shnong para thaw ka shnong baieid ka Jowai.

U Waheh Chnong Ladthadlaboh Dorbar Chnong u Bah Aiban M Shullai ha u kyrwoh ula pynpaw ba ka Christmas ka pynkynmaw iaka jingwan longbriew U Jisu Khrist uba da dap ka jinglehisynei, ka jingieit bad ka jingmap, kumta ai ba kane ka Christmas kan pynthymmai iaka jingim jong ngi bad don iaka mynsiem sngew shipara bad ka jingieit iwei ia iwei.

Ha ka juh ka por ka Ladthadlaboh Dorbar Chnong ka ai khublei snem thymmai basuk ba kmen bad ai ba u snem thymmai un pynthymmai ruh iaka jingmut ka jingpyrkhat ka jong ngi bad ban shim ia ki jinghikai ki ba ngi la ioh na u snem ba rim ban ngin pynbha bad ban kyntiew ia ki kam ki jam jong ngi ban roi par ka imlang ka sahlang.

Ai ba U Blei un nangtheh sei iaki jingkyrkhu ia baroh salonsar bad ka khubor ka jingieid, jingsuk bad ka jingkmen kan shynshar iaka imlang ka sahlang, ka district, ka jylla bad ki ri ha satlak ka pyrthei.