Ai khublei ka 6 shnong ïaki sengbhalang ba pulom ka public hearing pynheh par mawshun
KHLIEHRIAT: Ka 6 Shnong Wah Lukha Association ka pynpaw ia ka jingsngewnguh bad ai khublei ia ki paidbah baroh kiba wan kyrshan iaki 6 shnong ban ieng pyrshah ïaka jingthmu pynheh par mawshun ka Star Cement haduh ba kala pulom ka public hearing kaba la khot pynlong da ka MSPCB haka sngi Saitjaiñ ha Brishyrnot.
U Daiapherbha Lamare, Secretary, 6 Shnong Wah Lukha Association, ula ai khublei ïaka Khasi Student’s Union(KSU), Jaintia Hills District unit hapoh ka jingialam u Ohibait Dkhar, ka KSU Narpuh Circle hapoh ka jingialam u Kwilnis Suchiang, ka Jaintia Student’s Union (JSU) hapoh ka jingialam u Lawyerson War, ka Jaintia Student’s Movement (JSM) hapoh ka jingialam u Leningstar Rymbai, ka United Hynniewtrep Movement (UHM) East Jaintia Hills Unit hapoh ka jingialam u Yoomeki Kyndait, ka STIEH, ka RUDS bad kiwei kiwei.
![](https://www.syllad.com/wp-content/uploads/2024/09/JIT-Vacancy-823x1024.avif)
Ka 6 shonng kala ai khublei ruh ïaka Dorbar Shnong Umkiang hapoh ka jingialam u waheh Shnong Bah Lasting Pala, ka seng samla Shnong Umkiang hapoh ka jingialam, ka Eastern Narpuh Border Fishing Association, Seng Samla Shnong Sonapyrd, u Waheh Shnong Pyrtakuna.
Ka 6 shnong ka ai khublei ia baroh ki paidbah kiba wan na jan na jngai naduh naduh na Mynkre, Chiehruphi, Wahiajer, Lumshnong, Donaskur, Dona Umbluh bad ia kiwei kiwei ban ai ka jingkyrshan ban pyrshah ïak jingthmu pynheh par mawshun kane ka kharkhana dewbilat.
U Daiapherbha Lamare ula ong ba ki nongshong shnong na ki 6 tylli ki shnong kiba don harud ka Wah Lukha kala pynpaw ka jingsngewnguh ïa baroh kiba don bynta bad kam lah ban siew kylliang ïaka jinglong la kloi ban ïasnohktilang haka iap ka im jong ki nongshong shnong ka thain Narpuh.
Ka 6 Shnong Wah Lukha Association ka kyrmen ba ha ki sngi ki ia ban sa wan ruh baroh ki sengbhalang, ki paidbah kiba don ka jingsngewkhia ïaka jingshah pynjulor ka mariang kin ai ka jingiatreilang khnang ban khanglad ïaka jingpynjot iaka mariang bad ki jingthaw ba im ka Khlaw Narpuh baroh kawei,.
Leave a Reply