Ai khublei ka AJCVA ia u ma Wailadmiki Shylla ba shimkhia ba maramot iaka surok Thomas Jones

Syllad | The Rising MeghalayaMay 18, 2021

Ka All Jaintia Commercial Vehicle Association (AJCVA) lyngba u president u Ma Paila Kordor Lyngkot, ka ai khublei ia u MLA Jowai u ma Wailadmiki Shylla bad ia ka P.W.D jong ka West Jaintia Hills district ki ba la shim khia ia ka jingdawa jong ka seng ban maramot bad pynbha ia u surok Thomas Jones College Jowai, wat hapdeng ka Lockdown bad Containment Measures ka ba ka sorkar ka hap ban ialeh thma ia u covid 19 .

U MLA jong ka Jowai kum u nongmihkhmat u khlem shong kli kti hynrei ha ka por baroh ka pyrthei ka bunkam ban ialeh ia ka khlam u ne u nongmihkhmat u la ialeh shitom ruh ban peit ia ki jingdonkam u paidbah ha ka jingiadei ban maramot ia une u surok bad tang ha i por i ba lyngkot ia une u surok la dep ban pynbha baroh.

U Mihsalan Dhar, publicity secretary ka AJCVA u la ong ba ha ka 06/04/2021 ka AJCVA kala dawa jur na ki bor sorkar ban maramot mardor ia kane ka surok namar ka ktah shisha ia ka leit ka wan khamtam une u surok u dei u ba donkam bha, u ba pyniasoh ia ka College, ka Bank, ka iew bad ia ka Hospital bad kiwei kiwei ki dukan ba donkam.

Shuh shuh AJCVA da ka mynsiem ka ba kmen lyngba kane ka khubor ka kit bok kitrwiang ia U Local MLA ka Jowai ba un nang ioh ka met bakoit bakhiah bha khnang ba un nang lah shakri ia ka Ri bad ka Jaitbynriew bad ban trei shitom na ka bynta ki shnong ki thaw ki ba don hapoh ka Constituency Jowai bad ha baroh kawei ka rilum Jaintia.