Ai khublei ka Dorbar Shnong Lad Mukhla iaka samla Damika kaba ioh best athlete haka Meghalaya Games

Syllad | The Rising MeghalayaJanuary 29, 2025

Ka Dorbar Shnong Ladmukhla kala pynpaw ka jingkmen kaba khraw bad ai khublei iaka khun samla jong ka shnong ka Damika R. Lyngdoh halor ka jingjop jong ka iaka nam best athlete haka Meghalaya Games kaba hynriew haka 24 tarik Kyllalyngkot.

Ha kane ka Meghalaya kaba la kut dangshen ha Jowai, ka West Jaintia Hills kala wan haka kyrdan kaba ar na ka jingioh khur takma, kata 108 tylli kynthup iaki 34 tylli ki takma ksiar, kata hadien ka East Khasi Hills District kaba ioh rah iaka nam lahduh.

Ka Damika kala jop saw tylli ki takma ksiar na ka jingmareh ne race kaba pyni iaka jingkut jingmut bad ka jingtbit jong ka, da kaba synniang ruh sha jingioh takma bun ka West Jaintia Hills District.

Ka Dorbar Shnong Ladmukhla ka pynpaw ia ka jingsarong halor kine ki jingjop jong ka Damika bad kitbok kitrwiang iaka ba kan jop shuh shakhmat haka jingim ialehkai jong ka.