Ai khublei ka Sein Raij Tuber ia baroh ba jop bad phuh phieng ka Behdeiñkhlam

Syllad | The Rising MeghalayaJuly 24, 2023

Ka Seiñ Raij Tuber lyngba i Rangbah Mansan (President), R Harvis Phawa kala ai khublei ia baroh kiba iadonbynta haka Behdeiñkhlam ban pynlong iaka kaba phuh kaba phieng bad ka phah ruh ka jingsngewnguh sha baroh ki kynrem ki ladang kiba iadonbynta haka sngi pynkut.

Ka Sein Raij Tuber kala pynpaw iaka jingsngewnguh sngewburom bad ai khublei kyrpang ia u symbud Myntri Rangbah ka Jylla Meghalaya, u ma Sniawbhalang Dhar, u Myntri sorkar u ma Kyrmen Shylla u ba long ruh u Local MLA ka thiañ Khliehriat, ia u Deputy Chief Executive Member ka Jaiñtia Hills Autonomous District u ma Lasky Rymbai, u ma Justine Dkhar Ex-MLA ka thaiñ, u ma Lakhon Dkhar EM-JHADC, Finelyness Bareh EM-JHADC, Phasmon Dkhar EM-JHADC, Eveningstar Teron EM-JHADC, Abhilash Baranwal, IAS Deputy  Commissioner, East Jaiñtia Hills District, Ma Tammiyaki Shylla, BDO Wapung C&RD Block, Dolloi Elaka Jowai Puramon Kynjing kiba la pynlait por khnang ban wan sakhi sha ka leh Niam Behdeiñkhlam 2023 ka Sein Raij Tuber.

Nalor ka jingiadon lang jong ki, ka Seiñ Raij ka pynpaw shi katdei eh iaka mynsiem sngewnguh sngewburom haduh katta katta ia u Muhor u Kynthiar, u synniang baki la ai sha ka Raij, khamtam eh ia u ma Sniawbhalang Dhar, u ma Kyrmen Shylla, u ma Lasky Rymbai, ma Justine Dkhar, kumjuh ruh ia baroh ki Rangbah bad longkmie kiba la noh kylluid mynsiem sha ka Raij. Bad khamtam naka liang jong ka Raij ka pynpaw ruh ka jingsngewnguh haduh katta katta ia i ma Kor Sympli Ex-MDC u kpa jong u ma Kyrmen Shylla u ba la long kloi ban noh synniang sha man kawei pa kawei ka dong ba shna rong hapoh ka 6-Khliehriat LA Constituency naduh u snem 2017- 2023. Naka liang ka Sein Raij Tuber kam lah khlem da pynpaw iaka jingsngewnguh iaka jingleh bha une u rangbah iaka jinglehbha jong u. Ka buh kyrpang haka duwai ha U Blei Trai Kynrad ba un nangtheh sei ka jingkyrkhu ia u haki liang baroh.

Ka jingsngewnguh ka leit ruh sha baroh ki Seiñ Raij Shnong, Seiñ Dong ba shna rong kiba hap hapoh ka Raij Tuber, iaka Dorbar shnong Tuber Kmaishnong, VDP Tuber Kmaishnong, iaki Volunteers pyniaid kam, ki seng longkmie Seiñ Raij Tuber, Seng samla Sein Raij Tuber, kumjuh ruh iaki khlieh nongsynshar kiba bat iaka Riti Dustur, ka Niam ka Rukom kiba kynthup naduh ki Dolloi, ki Longdoh, ki Wasan, ki Secretary President jong ki Raij bapher bapher, ka Seng Khihlang, Sein Kyntu Seiñ Raij 12- Dolloi, bad kumjuh iaki Secretary Chairman jong ka.

Ngi pynpaw ruh ka jingsngewnguh sha ki kynhun Niam naki balang bapher bapher kiba iadon bynta lang ban sakhi iaka Behdeiñkhlam. Ngi ai khublei ruh ia u Rev. Ferdinand Dkhar Bishop ka Jowai Diocese u bala phah iaka kyrwoh ai khublei Behdeiñkhlam iaki khun ka Seiñ Raij Tuber. Ka seng ka ai khublei ruh ia u BS Sohliya IAS Deputy Commissioner West Jaintia Hills District.

Ka Sein Raij ka khublei iaki press & media, kiba la pynsaphriang sha baroh ki bynta jong ka ri bad wat sha bar ri ruh ba lyngba jong ki ka pynlong iaka leh Niam Behdeinkhlam kaba phuh ba phieng. Ngi sngewnguh ruh iaka Synjuk Waheh Chnong Ri wada phah ia u Kyrwoh ai khublei lyngba ki nongialam jong ka sha Behdeiñkhlam ka Raij kumjuh iaki kynhun seng bhalang bapher bapher hapoh ka Bri u 7-Trep, 7- skum kiba la phah ia ka kyrwoh ai khublei Behdeiñkhlam ia khun ka Raij Tuber, sha ki nongshang Suwari pyrthei bad kumjuh ruh sha baroh ki paidbah na kylleng ka Bri u hynñiewtrep hynñiewskum  kiba wan sakhi sha Behdeiñkhlam bad kumjuh sha kito kiba ym lah ban wan markhmat hynrei ki don pat ka mynsiem iatreilang.

Ka Seiñ Raij Tuber ka pynpaw ka jingsngew nguh sha ka Shnat krehkam ka Art & Culture wa ka Tourism ka Sorkar Jylla, iaka shnat ka koit DM& HO East Jaintia Hills District, MePDCL East & West Jaiñtia Hills District , Public Health Engineer Department, Public Work Department, kumjuh iaka ophis u Superintendent of Police East Jaintia Hills & West Jaintia, Fire Service Station East Jaiñtia Hills bad ka kynhun pulit baroh, JHADC, iaka District Administration East Jaintia Hills bad West Jaiñtia Hills,  District Information & Public Relation Department East Jaintia Hills, Disaster Management Department, kamjuh iaka Meghalaya Aids Control Society kiba la iarap ban kyrshan naka bynta pyniaid beit iaid ryntih iaka leh Niam Behdeiñkhlam kaba jop bad kaba phuh ba phieng.

Ka Sein Raij sa shisien ka khublei ia baroh kiba la pynlong iaka Behdeinkhlam kaba jop bad ai ba kane ka Behdeinkhlam kan wanrah iaka jingiatylli khlem da khien iaka jingiapher Niam ne jaitbynriew ban ioh iaka shongsuk shongsaiñ bad ka roi ka par kaba kyrhai.