Ai khublei Khristmas bad Snem thymmai ka FKJGP East Jaintia Hills

Syllad | The Rising MeghalayaDecember 24, 2023

Ka Seng Federation of Khasi Jaintia & Garo People (FKJGP) East Jaintia Hills District Khliehriat lyngba u kyrwoh khubor ba la phah da u President,Bah D.H Sumer bad u General Secretary, Bah Emlang Sutnga ki la ai khublei Khrismas basuk bakmen ia ki paid riewngeit khristan bad snem thymmai ba don jingkyrmen da ki jingkyrkhu jong U Blei ha ki kam ki jam, ka kamai ka jih, ka pule puthi, ka shongsuk shongsain ia ki paidbah nongshong Shnong jong ka jylla Meghalaya hi baroh kawei.

Ka sngi Khristmas ka long ka sngi ban kynmaw burom ia ka jingwan longbriew U Jisu Khrist ha ka jingngeit khristan na ka bynta ban pyllait ia ki briew na ka jingteh shah khum ha ki bor jong ka pop bad ban ai ruh ka jingpynim de. Kumta ka FKJGP ka don ka jingkyrmen ha ka kam sain hima sima lyngba ki nongmihkhmat baieit jong ngi ban ioh ka mynsiem ka jingpynthymmai na ka bynta ban synshar kham bha ia ka jylla jong ngi da kaba pyrkhat ia u duk u suk u kup shiliang sem shiliang ka ban long ka jingkyrmen ia ka pateng ban wan hadien ha bud.

Ban thaw ki lad ki lad ban wanrah ia ki ain ka jingiada ia ka Jaidbynriew rit paid jong ngi da ka pynbor ia ka Sorkar Kmie ban pdiang ia ka ILP bad ban kyntu ban sangeh shwa ka jingpynbor ban shna ia ka lynti reh hapoh ri Khasi Jaintia kat bym pat ioh ia ka ILP ong u kyrwoh.