Ai khublei lehniam Behkymphui ka Seiñ Kyntu Seiñ Raij 12- Daloi

Syllad | The Rising MeghalayaSeptember 17, 2020

Ka Seiñ Kyntu Seiñ Raij 12 – Daloi ka ai khublei Lehniam Behkymphui  iaki khun jong ka Seiñraij Mynso kiba shong ba sah ha kylleng ki jaka hapoh ka Jylla Meghalaya.

Kane ka lehniam Behkymphui kan long naduh 17 tarik bad kan kut haka 21 tarik Nailur (September) 2020.

“To ai kane ka lehniam Behkymphui kan long kaba phuh ba phieng bad kaba jop bad lyngba kane ka jinglehniam jong ka Seiñraij Mynso kan beh iaka khlam COVID 19 bad kiwei ki jingsniew ka imlang ka sahlang,” la ong u Rgh, S Sari Publicity Secretary Seiñ Kyntu Seiñ Raij 12- Daloi.

Ka Seiñ Kyntu Seiñ Raij 12 – Daloi ka buh ka jingdwai ha ki blei ba hapoh kine ki 4 Sngi 5 Miet (4 ngi 5 Iaw) ban ïaid beit-ïaid ryntih ka lehniam bad ba u khun bynriew ka Bri u Hynñiewtrep Hynñiaw Wasa un ïoh ka koit – ka khiah krat, ka im suk-im saiñ.