Ai khublei Shad Suk Mynsiem ka Sein Kyntu Seiñ Raij 12 Daloi

Syllad | The Rising MeghalayaApril 10, 2021

Ka Sein Kyntu Seiñ Raij 12 Daloi ka ai khublei Shad Suk Mynsiem ba suk ba kmen ia baroh ki khun ki hajar jong ka Seng Khasi kiba don kylleng ka ri ki 30 Syiem.

Ka Sein Kyntu Sein Raij lyngba u kyrwoh ba la phah u Rgh. Standbyme Sari Publicity Secretary ka ong ba ha kum kane ka por ba ngi lehkmen iaka Shad Suk Mynsiem to ai ba U Blei nongbuh nongthaw un theh iaki jingkyrkhu kyrdoh bad pynneh pynsah ia ka niam ka rukom ka Dustur ka Riti bad ban wanrah iaka jingiatylli hapoh ka ri ka muluk.

Ka Seiñ Kyntu Seiñ Raij 12 ka kyrmen ba kane ka Shad Suk Mynsiem kan long kaba jop bad kan beh shajngai iaka khlam bad ka sniew ka smeh haka imlang ka sahlang u Bri u Hynniew Trep Hynniew Skum bad ban im suk im sain bad roi par kyrhai.