Ai ksai u Myntri Rangbah ka Jylla ban ai ïaka bhah ka JHADC

Syllad | The Rising MeghalayaFebruary 19, 2020

JOWAI: U Chief Executive Member (CEM) jong ka Jaiñtia Hills Autonomous District Council (JHADC) U Ma Thombor Shiwat ula ong ba u Myntri Rangbah ka Jylla, u Conrad K Sangma ula ai ksai ban pyllait ïaka bhah jong ka konsil.

“Dangshen nga la wan ïakynduh biang ïa u Myntri Rangbah ka Jylla ban kyrpad ïa u ban pyllait noh ïaka bhah jong ka JHADC bad na kaliang u Myntri Rangbah ula kular ban pyllait ïaka pisa kaba ka konsil ka dei ban ïoh na ka bhah jong ka,” la ong u Ma Thombor

U Ma Thombor ula ong ba ka konsil ka don haka khim ka khait haka liang ka pisa, hynrei na kaliang ka Executive Committee kam shym la shong kli kti bad pyrshang ban wad ki lad ki lynti ban pynïoh pisa ban pynïaid shakhmat ïaki kam ki jam ka konsil.

U Ma Thombor ula ong ba marsien ïoh ïa kane ka pisa yn ai shuwa ïaka tulop jong ki nongtrei ka konsil bad ki dkhot na ka bynta ar bnai naka san bnai. Kane ka tulop kaba ar bnai kadei naka bynta u bnai Nailur bad Risaw 2019.