Ai por ka JAC ban weng ia u Manager ka Dawki Land Port

Syllad | The Rising MeghalayaSeptember 22, 2024

Ka Joint Action Committee kynthup ka War Jaintia Student Union (WJSU) bad Federation of Khasi People (FKJGP) War Jaintia Circle kila dawa ban weng noh ia u Manager Dawki Land Port hapoh 15 sngi kata naduh ka 23 tarik Nailur haduh 7 tarik Risaw.

Ia kane ka rai la shim haka jingshong jingialang kaba la long haka 21 tarik Nailur ha Amlarem.

Kane ka jingialang ka long ban iathir ia tai halor ka jingshah kyndang ki dukan die ja dukan sha bad die kwai dong jong ki katto katne ngut ki longkmie haki bor pyniaid jong ka Dawki Land Port.

Haka jingiathir ki ar seng ki lap ba kine kiei kiei kiba jia ha ICP Dawki ki long ka daw jong u Manager uba la pyndonkam bakla ia ka bor ban thombor iaki trai shnong ka thain.

Ki ar seng kila kyntu ia ka sorkar jylla ban weng mardor ia une u briew khnang ban lait kano kano ka ka jingeh ha ki sngi ki ban dang wan.