Ai por ka Synjuk Waheh Shnong Jowai iaka JMB ban pynkhuid iaki niut lashai ka sngi, byrthen khang iew lada ym kit ïaki ñiut

Syllad | The Rising MeghalayaJanuary 5, 2022

Ka Synjuk Waheh Shnong Jowai kala rai ban ai por iaka Jowai Municipal Board (JMB) ban pynlang iaki ñiut kiba la lum thup ha shilynter ka Iawmusiang haka sngi Balang.

Ia kane ka rai ka Synjuk Waheh Shnong Jowai kala shim hadien ka jingwan iakynduh ia Deputy Commissioner, West Jaintia Hills District haka jingiadonlang u Chairman JMB bad ka CEO JMB.

U Ma Alan Niangti Presdent Synjuk Waheh Shnong Jowai, ula ong ba nakaliang ka bor synshar district kala pan por ban pynkhuid iaki ñiut lashai ka sngi kaba na kaliang ka synjuk ruh kala mynjur ban ai lad ban pynkhuid ia baroh ki ñiut kiba sahkut ha Iawmusiang.

Ula ong ruh ba lada ki ñiut kiba la syrtap ha Iawmusiang kim khuid lashai ka sngi, nakaliang ka synjuk kan iaid shakhmat haka ban khang shisyndon iaka iew Iawmusiang naduh 7 tarik Kyllalyngkot 2022.