Ai snam sngewbha ka kur Laloo na Tpeppale ha Jowai
Kan long ka khubor kaba lam sngewtynnad bad ai mynsiem ia kiwei ha kaba ka kur Laloo bad ki khun ki kti jong kiba na Tpeppale, Jowai kila mih shakhmat ban leit ai snam sngewbha sha ka Jowai Civil Hospital Blood Bank Centre.
Bunsien la sakhi ba ki dei ki kynhun niam, seng treikam bhalang bad ki riew shimet kiba mih ban ai snam sngewbha, hynrei ha kane ka kynti la sakhi iaka longïing na ka kur Laloo kaba mih shakhmat ban ai snam na ka bynta ban iarap ia kiba donkam snam kyrkieh.
Ka kur Laloo na Tpeppale kala pyntip ba kane ka jingaisnam jong ki ka long kum shibynta ban lehkmen iaka World Blood Donor Day, kaba rakhe man la ka 14 tarik u bnai Jylliew.
La lam khmat ha kane ka jingai snam da u Wanmi H C Laoo President ka Kur Laloo bad ki Khun na Tpeppale. Ha shuwa ban leit ai snam sha Blood Bank Centre la don ka jingialang kaba lyngkot ha ka iing kaba iadonlang bad ki rangbah ka kur, u Bah Alwin Laloo uba la ai mynsiem iaki khun ki kti, ki ksiew, ki pyrsa bad kiba shong kha ha kane ka kur ban don iaka mynsiem iarap bad ban long kiba shlur ha kaban ai snam sha kiba donkam na ka bynta ban ioh iaka jingsumar bad ka jingim.
La ioh ruh iaka jingkren na ka Dr I Khyriem, Senior Medical & Health Officer, Jowai Civil Hospital Blood Bank Centre.
Facebook
Instagram
Youtube
Twitter
Leave a Reply