Ai snam sngewbha ka Sarot I Man ha Jowai

Syllad | The Rising MeghalayaApril 18, 2021

Ka Sarot I Man kawei na ki kynhun jong ki rangbah na sor Jowai kala ai snam sngewbha ha Jowai Blood Bank, Panaliar, Jowai.

Ha shuwa ban ai snam sngewbha kala don ka jingialang lyngkot ba la pynïaid da u Shape Paswet, ki kyntien lyngkot na u Riquoma Rq. Laloo bad ka Dr. P. Shylla Incharge Blood Bank Civil Hospital.

“Ka jingai snam sngewbha jong ngi kalong ban pynshlur ia kiwei ruh ban ai snam ban iarap iaki briew kiba donkam snam kyrkieh ban sumar haba pang ba shitom ha aspatal ban iada na ka jingjia ba sngewsih,” la ong u ma Laloo

Ka Dr. P. Shylla Incharge Jowai Blood Bank kala ïaroh ïaki dkhot jong ka Sarot I Man kiba la wan shakhmat ban shim ïa kane ka sienjam ba bha tam bad ba kyntang tam ha ka jingim kum ki briew ban ïarap ïaki para mynsiem da ka snam. Kala ong, ka jingdon jong ka snam ha ki jaka kynshew snam ka wanrah ka jingïarap ïa shibun ki mynsiem ba kordor.