Ai snam sngewbha ka Sarot I Man ha Jowai Blood Bank

Syllad | The Rising MeghalayaDecember 13, 2022

Ka Sarot I Man da ka jingïatreilang ryngkat bad ka Jowai Civil Hospital Blood Centre haka kila pynlong iaka jingialp pynsngewthuh bad ka jingai snam sngewbha ha Jowai Civil Hospital Blood Centre haka sngi Nyngkong.

Hashwa ban synniang snam ka la don ka jingïalang lyngkot ba la pynïaid da u Barlee Moore Shilla. La ioh iaka jingkren na u Kyllimot Lhuid bad ka Dr Patricia Shylla, Medical Officer I/c Jowai Blood Bank.

Ka Dr Patricia Shylla, Medical Officer I/c Jowai Blood Bank ka la ong ka jingai snam kadei kawei na ki bynta ban pynkhuid ïaka met ka phad jong u/ka briew.

Ka la kyntu ïaki nongshong shnong ban mih shakhmat ban synñiang ïaka snam namar ka jingaisnam sngewbha ka pyllait im ïa u/ka briew kiba donkam snam kyrkieh haka por ba pang ba shitom.

U kongsan u Dr. Ebenezer War, Medical Superintendent, MCH Jowai ula ïaroh ïaki kam ba bha ka Sarot I Man. Ula iaroh iaka dkhot kane ka seng kiba la kloi ban mih shakhmat ban ai snam sngewbha kaba long ka jingkyrkhu bad ai jingim pat ia kiwei kiba donkam jingiarap.

Ha kane ka sngi la sam ruh ïaki Certificates sha baroh ki nongai snam halor kane ka kam ba bha jong ki.