Ai snam sngewbha ka Sarot I Man ha Jowai Blood Bank

Syllad | The Rising MeghalayaApril 7, 2025

Ka kynhun jong ka seng Sarot I Man (SIM) haka 5 tarik Iaiong kala pynlong iaka jingaisnam sngewbha haka Jowai Civil Hospital Blood Centre, Panaliar, Jowai.

Kane ka kynhun kaba don 11 ngut shi paralok don iaka thong ban ai snam sngewbha man la ka snem, bad kane ka kynti kaba mynta la saw sien kala lah ha kaban synniang snam sha kane ka jaka kynshew snam.

Ha kane ka sien kaba mynta la iasnohktilang ha kane ka jngai snam sngewbha kynthup ia u lecturer ka Jaintia Eastern College u Firsterborn Dkhar, u samla Arsa Shylla na Panaliar Jowai bad u Heibor u Tre Syngkon, Waheh Shnong ka Dorbar Shnong Tpep Pale, Jowai nalor ki dkhot ka SIM, u Kyllimot Lhuid, u Ram Sumer, u Mariabud Paswet bad u Sienmitre Sumer.

Shuwa ban pynlong iaka jingai snam sngewbha la don ka jingialang kaba lyngkot kaba pyniaid da u Riquoma Rq. Laloo haka jingiadonlang ka Dr. I. Khyriem, Senior Medical Officer, Jowai Civil Hospital Blood Bank Centre kaba la jingiaroh iaka kynhun jong ka Sarot I Man halor ka jingdon iaka mynsiem ban iarap ha kaban ai snam ban pynim iaki para briew kiba donkam snam kyrkieh haba pang ba shitom.

Kala khot ruh iaki kiwei ban wan shakhmat ban ai snam namar ka jingai snam ka pynkoit pynkhiah ia ka met u ba ai ha ki ba bun ki liang. Ka ai jingmut ruh ia ka Sarot I Man ban pynsngewthuh ia kiwei da kaba pynlong jinghikai halor ka jinkongsan ka jingai snam sngewbha.