Ai snam sngewbha ki dkhot ka Indian Red Cross Society

Syllad | The Rising MeghalayaOctober 24, 2023

Ka Indian Red Cross Society, West Jaintia Hills District haka sien kaba nyngkong eh ka la pynlong iaka jing ai snam sngewbha haka Jowai Blood Bank Centre, Panaliar, Jowai haka sngi ba Ar.

Shwa ka jingai snam sngewbha ka la don ka jingialang kaba la pyniaid da u ma W Lyngdoh Chairman Indian Red Cross Society, West Jaintia Hills District.

Ka Dr. P Shylla Medical & Health Officer Blood Bank Centre, Jowai Civil Hospital kala iaroh bad ai khublei kyrpang ia kito kiba kloi ban ai sngewbha iaka snam bad lyngba ka jingkylluid mynsiem jong ki kan iarap ia ki ba pang ba shitom ban ioh snam haka por kaba biang bad kala pynshlur ia baroh ki nongai snam sngewbha ban iai bteng iaka kam ba bha.

La ioh jingkren na u ma H. Nongpluh Assistant Secretary Indian Red Cross Society, West Jaintia Hills, u Bah AN Sawian General Secretary Indian Red Cross Society, Meghalaya State Br Shillong bad u ma Ohiwot Laloo, Secretary Indian Red Cross Society, West Jaintia Hills.

Ha kane ka sngi la don 17 ngut kiba la ai snam na ki 22 ngut ki dkhot ka Indian Red Cross Society