Ai sngewbha dap 50 snem u ma Sniawbhalang Dhar T. 25 klur iaka WJDSA

Syllad | The Rising MeghalayaApril 22, 2023

U Ma Sniawbhalang Dhar, Deputy Chief Minister ka Jylla ula ai sngewbha dap 50 snem (Golden Jubilee) iaka West Jaintia District Sports Association (WJDSA) haduh T.25 klur na ka bynta ban pynbit pynbiang iaki jingtei ka Kiang Nangbah Stadium, Jowai.

U Ma Sniawbhalang haba kren shuh shuh ha ka jingpynhap pyrda iaka jubilee ha Kiang Nangbah Stadium, ula kular ruh ban ai T.10 lak ban pynlong iaka open to all tournament iaka WJDSA na ka bynta ban pynsah nam ia u kpa jong u (L) Kesilroi Pala. Ula ong ia kane ka pisa T.5 lak ban ai iaka khusnam bad ka jingpynlut T.5 lak.

Ha kane ka sngi la iadonlang u Myntri ka tnad Sport & Youth Affairs ka sorkar Jylla Shakliar Warjri kum u symbud kongsan, u MLA Jowai u Wailadmiki Shylla, ki nongkitkam bad ki dkhot ka WJDSA bad ki nongshah khot sngewbha.

Ha kane ka sngi la pynkup burom ïaki referee, ki nongialeh athletic, football, ki coach. La khusnam Posthumous Award ne ka khusnam sha ki nongialam bad ki dkhot bala khlad noh ka WJDSA.

La pynphuh pynphieng ïaka jinglehkmen da ki jingshad jingrwai ba la shim bynta da ki Loompyrdi Ïongpiah, Jowai, Manbhauru Sungoh bad ka jingshad mass drill na ka North Liberty Higher Secondary School.