Aibor ka sorkar ha ki DC ban shim rai halor ka Roster System hapoh ki District: Paul

Syllad | The Rising MeghalayaJune 20, 2024

Ka Kynhun Myntri ka Sorkar Jylla ha ka 19 tarik Jylliew ka la mynjur ia ka jingtyrwa ban aibor ia ki Deputy Commissioner ba kin shim ia ki rai ha kaba iadei bad ka jingpyniaid ia ka Roster System ha la ki jong ki district.

Haba kren sha ki lad pathai khubor hadien ka jingialang, u Myntri ka Tnat Social Welfare u Bah Paul Lyngdoh u la ong, “Ngi la shim ia ka rai ban aibor lang ha kaba ki DC kin shim ia ka rai halor ka Roster System ha la ki jong ki district, kata kaba mut halor ka jingsam bhah ia ki kam kiba lait ha ki district level.”

“Ki (DC) ki donkam shuh ban wanrah sha ka Tnat Personnel lane sha ka Sorkar Jylla na ka bynta ban shim ia ka rak kaba khatduh ba kano ka kam ka hap ha kano ka thup katkum ka bhah ba 80% ia ki Khasi Jaintia bad Garo ha la ki jong ki district,” u la ong.

“Kumta kane kan iarap ban pynduna ia ka jingbam por ha ka jingthungkam bad kan pynkup bor ruh ia ki DC ba kin shim rai halor ki kam kiba lait ha la ki jong ki district khlem da donkam shuh ban phah sha ka Sorkar Jylla,” bynrap u Bah Paul Lyngdoh.